Stan Wawrinka

Stan Wawrinka
Vida
Nacimientu	Lausana[1], 28 de marzu de 1985[1] (39 años)
Nacionalidá	Suiza [1]
Residencia	Saint-Barthélemy (es)
Familia
Padre	Wolfram Wawrinka
Madre	Isabelle Wawrinka
Casáu con	Ilham Wawrinka (2009 – div. 2015)
Pareyes	Donna Vekić
Fíos/es	Alexia Wawrinka
Hermanos/es	Djanaée Wawrinka Naëlla Wawrinka Jonathan Wawrinka
Estudios
Estudios	escuela Waldorf (es)
Llingües falaes	francés
Oficiu
Oficiu	tenista, productor asociáu, actor, productor executivu
Participante Xuegos Olímpicos de Londres 2012 Xuegos Olímpicos de Beixín 2008
Pesu	81 kg
Altor	183 cm
Premios	ver Swiss Sports Personality of the Year
IMDb	nm3598775
stanwawrinka.com

Stanislas "Stan" Wawrinka (28 de marzu de 1985, Lausana) ye un tenista profesional suizu.

En xineru de 2014 consiguió'l so primer títulu de Grand Slam (tenis) al coronase campeón del Abiertu d'Australia, ganando al campeón defensor, Novak Djokovic, en cuartos de final y venciendo al nᵘ 1 Rafael Nadal por trés sets a unu na final.^[2] Con esa victoria aportó al nᵘ 3 nel ranking ATP, siendo la so meyor posición como profesional. El 7 de xunu de 2015 ganó'l Tornéu de Roland Garros, el so segundu títulu de Grand Slam, en ganando na final al serbiu Novak Djokovic en cuatro sets por 4-6, 6-4, 6-3 y 6-4. En 2016 foi campeón nel Abiertu d'Estaos Xuníos ganándo-y en 4 sets al serbiu Novak Djokovic na final.

En torneos ATP Masters 1000, ganó'l Masters de Montecarlu en 2014 y foi finalista del Masters de Roma de 2008, el Masters de Madrid de 2013 y el Masters d'Indian Wells de 2017.

Mientres la so carrera como profesional llogró otros siete títulos ATP: el Tornéu de Umag de 2006, el Tornéu de Casablanca de 2010, el Tornéu de Chennai de 2011, 2014 y 2015, el Tornéu de Oeiras de 2013 y el Tornéu de Rotterdam de 2015. En 2016 consigue'l so tercer Grand Slam al vencer na final del US Open a Djockovic. Ye unu de los más completos tenistes del circuitu, amás de que se defende bien en toles superficies.

Nos Xuegos Olímpicos de Beixín 2008 compitió al pie del so compatriota Roger Federer, llegando sorprendentemente hasta la final, y dexando nel camín a la pareya clasificada númberu unu Bob Bryan/Mike Bryan, pa consiguir asina la medaya d'oru, en imponiéndose na final a la pareya sueca integrada por Simon Aspelin y Thomas Johansson por 6-3, 6-4, 6-7(4), 6-3. Por ello'l "equipu d'oru FedRinka" foi gallardoniáu col premiu Equipu Suizu del Añu 2008. De la mesma, xugó nel equipu de Copa Davis de Suiza dende 2004, onde llogró 22 victories en 46 partíos.

Wawrinka considera que la magre ye la so superficie favorita y el so meyor golpe ye'l revés. John McEnroe declaró que'l suizu tien unu de los reveses más poderosos que vio y el meyor revés a una mano de l'actualidá. ^[3] Foi entrenáu por Dimitri Zavialoff (dende los ocho años) hasta 2013, cuando empezó a trabayar con Magnus Norman.

1. ↑ ^{1,0 1,1 1,2} Afirmao en: sitio web de la ATP.
2. ↑ http://canchallena.lanacion.com.ar/1658579-rafael-nadal-stanislas-wawrinka-final-abiertu-de-australia
3. ↑ «BBC SPORT».